Comunicat di Aghe dal Cil in ocasion de Fieste di Mures

Ancjemò grazie.
Par fâ ce ch’o stin provant a fâ o vin bisugne di fiducie, di ricevi incoragiaments concrets che Mures in ocasion de sagre dal paîs  nus dâ da ains. Il risultât? 4 cisternis costruidis cun la solidarietât di int semplice, ch’a lavore e sparagne, che no si dismentê di ce ch’a jere e di ce che atre int a patis inmò ator pal mont.
O disin chest pal fat che chest an o sin lâts in Argentine, tal nort,  te provincie di Salta ospits di gnovis generazions di furlans partîts inmò tal lontan 1872 e subit dopo de ultime grande vuere mondiâl, in periodos là che la nestre Patrie jere siore nome di miserie e di emigrazion.
E al’è stât biel chest incuintri. Dopo tant timp nome cun cualchi persone aromai in etât o vin fevelât te lenghe mari, ma il spirt, il snait ch’o vin cjatât tai fantats furlans nassûts in Argentine nus à per-metût di lavorâ cun facilitât e velocitât. O vin cjatât int responsabil che e à lavorât cun gust. La ne-stre fortune e à volût cun di plui che doi di chescj a lavoravin cun merit al interni dal Ministeri dai Dirits Umans. Cussì o vin vût l’onôr di jessi presentâts al Ministri Marianela Cansino e ai soi fun-zionaris che è ân valutât il progjet Aghedelcil_Aguadelcielo

O vin vude la sodisfazion di velu viodût aprovât e metût in pratiche te seconde setemane de nestre permanence, costruint la prime ci-sterne dimostrative par une scuele elementâr ch’a veve bisugne di une riserve di aghe te zone di montagne dal Comun di Chico ana, a dos ores di strade da la citât di Salta. 
La Provincie di Salta a jè unevore grande, come miegie Italie, e la so nature no jè tan generose da pardut e soredut in certs periodos dal an, a patissin un sut micidiâl compagnât da temperaduris al limit de soportazion, e il Chaco Salteño a jè une di chetis zonis. Par resisti si cirin soluzions par convivi  cul clima e mantignî une scorte di aghe a devente la prime necessitât. Ma si à a ce fa ancje cun pocjis risorsis economiches, la int a vuadagne pôc e i traspuarts a costin, la vite a coste. Se la soluzion no jè economiche e a puartade di ducj, no si pues metile in pratiche e l’alternative a reste nome migrâ.
Il Ministeri dai Dirits Uman al â dut l’interes a risolvi il problema, cussì, savint de nestre propueste, al veve già contatât tre copies di muradôrs che vivevin in cheste zone in tre citadines diferents in mût di mandalis a cognossi il nestri progjet.  Cussì dopo un viaç di plui di 400 km son rivats seneôs di imparâ e il 2 di fevrâr di chest an o vin tacât il cantîr. O vin lavorât, mangjât, giuât di cjartis la se-re e durmît dûr la gnot,  simpri insieme, ospits de coghe di origine andine e di un omp che gestive la scuele momentaneametri sierade, vint i fruts a cjase in chel periodo di vacance. Si sin cjatâts propit ben, cun tante organizazion de bande di Pablo Del Pin e Fernando Martinis. Te joibe o vin ricevude ancje la visite da la Ministre e di Gianfranco Martinis, president dal Fogolâr Furlan di Salta, propit cuant ch’o jerin impegnâts a tirâ su las parêts de cisterne. Si capis che son presinces che a fasin ben, che a stimolin a lavorâ inmò cun plui gust par puartâ indenant la nestre azion. Ducj e àn fat la lôr part, nancje un grant

slavin nus à fermât, ancje se nus à fat pierdi un pôc di timp. Sabide 7 di fevrâr as tre dopomisdi o consegnavin lis clâs dal luchet de puarte di entrade de cisterne finide. Si sin sa-ludâts cun strentis lungjis e sintudis, cun la promesse che o vares mandât lis risorsis par pajâ i mate-riai di costruzion par atres tre cisternes da fâ sù, une par ogni comunitât dulâ che i tre gruputs a pro-vignivin e cun taincj sacrificis a sorevivin. In chestes setemanis di setembar 2015, cumò che lis condizions climatichis son plui indicadis, a tacaran i lavôrs sot la cordinazion dal Ministeri che par cheste opare che e à incjariât ôPablo Del Pin par organizâ logistiche e traspuarts, par comprâ materiai e tignî i conts in ordin. Par nô tan ben che mai !!
Cun di plui par bocje de Ministre Cansino durant la conference stampe, o vin vude la conferme che il Ministeri al’à metût in programe di implementà il progjet tes zonis là che la sicitât si fâs simpri plui ingestibil e frecuent par cause dai cambios climatics di chescj ultims ains
Ma il prin grazie cumò a vâ a dute la int di Mures e a chê che e à partecipât a la fieste,  che cun la so solidarietât nus à  permetût di  realizâ il progjet Aghe dal cîl  in Argentine.
Nô o continuin a jessi presints durant la fieste, visant che la prossime destinazion a sarà in Ecuador te periferie de capital di Quito. 
Mandi